segunda-feira, 14 de fevereiro de 2011

KEL SENTIMENTU

vontadi dja kria li dentu
gana grita rei di altu
pa riba ku pa baxu
pa obidu pa tudu kabu

ma e bo ki mi n ta ama
ma bo ke nha alma metadi
kel algen ki mi n ta kre
pa fika ku mi oji i sempri

ma nha poku idadi tadjan
tudu nha familia julgan
alguns amigos gozam
foi tudu nha medu

faze-n guarda li dentu
kel ki mi n ta xinti pa bo
ate kel dia ki mi ku bo
xintadu na nos kantu

pa-n kontou kel sentimentu
ki bu sorizu alimenta
na kel tempu ki fika
markadu li dentu guardadu

ta flam tudu dia
pa n ka skesi ma
ami e dodu na bo

oji nta grita bem altu
pa riba ku pa baxu
pa obidu pa tudu kabu

oji bu ka sta obi
bu kurasom sta fitxadu
txabi otu ki teni

(keli nta didika pa tudu algem ki tem si algem ou ki gosta di algem, ka nu perdi tempu, nu mostra ma nu gosta del, nu mostra kel sentimentu ki sta li dentu guardadu)

Pa nha mudjer Lili, ami é dodu na bo.

Pamodi Dodu na

Dja dura ki n tinha na menti mostra, pa tudu alguem ki kre odja, kuzaz ki n sabi fazi I kuzaz ki n gosta. Primeru n pensa na um site. Klaru “Boa ideia”. Fazi um site é ka kuza fasil, pa alguem sima mi intom ki ta pensa na mil kuzaz au mesmu tempu, site nunka maz ka ta fikaba pronto, pamo n kria poi munti kuza. Saber mais...