quarta-feira, 28 de maio de 2008

KI MUNDO E KELI?

MUNDO STA KA SABI.
MÁ PAMODI KI MUNDU STA KA SÁBI? STA KA SÁBI PA KENHA KI KA TEM. PA KENHA KI TEM POKU. PAMODI PA KEZ OTU MUNDU STA SÁBI. DONU DI MUNDU STA FAZI TA DISFAZI. DONU DI MUNDU É KAPAXU NA BOLSU DI ALGUNS. DINHERU STA MANDA NA MUNDU. KONTRASTI NA NOZ SOSIEDADI DJA BIRA SIMA PRETU KU BRANKU. TEM KEZ KI TEM TXEU KI STA GANHA TXEU, TEM KEZ KI TEM POKU KI STA FIKA KU NADA.

KRISI MUNDIAL NA UNDI?

KRISI KI TA XINTI É KENHA KI KA TEM PUDER DI KOMPRA. PAMODI KI TEM ALGUEM TA PASA FOMI SI TEM KOMIDA SUFISIENTI PA ALIMENTA TUDU MUNDU. PAMODI KI TEM ALGUEM SEM NINGUEM SI NOZ É MUNTI NA MUNDU. DJA NKA SABI KUZE KI STA DRETU KUZE KI STA MAL. SI KULPA É DI HOMI SI KULPA É DI NATUREZA. KADA UM TA DJOBI PA SI KABESA TA KUMESA NA NOZ FAMILIA TA FINDA NA NOZ DIRIGENTI. DIRIGENTIZ TA METI NA SIS BOLSO KU GUENTIZ NA SI TERRA TA PASSA FOMI. DIRIJENTIZ TA INTXI KOFRI I RESERVA DI SIS PAIS PA AGUENTA UNZ 20 ANU TIMENTI TEM OTUZ PAIS KA TEM NEM PA DIA DI HOJI. PAMODI KI TEM TANTU GUERRA. NU STA MESTI OTU "BABEL" MA AO KONTRARIO PA POI TUDU ALGUEM TA FALA MEZMU LINGUA, TALVEZ SI NU TA INTENTI KUMPANHERU. TANTU REGRAS INTERNACIONAL I COMPROMISSOS PA CUMPRI PA FICA APENAS BONITO NA PAPEL KU NA ESTATISTICAS SI POVO STA SUFRI KU MEDIDAS KI N KA SABI E PA KÉ.

INJUSTISA OU SINAL?

KRIMI STA BIRA ASUNTU BANAL VIOLENSIA KUALKER DIA É KUZA NORMAL. SI N KA TEM N TA TOMA NA KENHA KI TEM. KI MUNDU É KEL? PA UM TROKADU TA FAZEDU BARBARIDADI. PAKÉ FAZI PLANUS PA FUTURU? SO SI FUTURU É MANHA. FUTURU DJA BIRA SIMA METEOROLOGIA. NKA SABI SI MANHA TA FAZI SOL OU TA TEM TXUBA. NTA DJOBI PA CEU TA PARCEM MA TXUBA TA BEM, INTON É MIDJOR N SAI KU UM T-SHIRT I XINELU N DA UM SALTINHU TI PRAIA DI MAR. NA PERKURSO TI LA TA ATXA SOL DJA RAGANHA NA CEU. FAZI KEL KI BU TA FAZI FAZI DI BU VIDA UM FESTA. HOJI EM DIA É MIDJOR APROVEITA KADA DIA PAMO PA KENHA KI KA TEM NADA É SIMA KI TEM UM KASTIGU PA KONTINUA SEM NADA. SOLUSOM É LUTA PA TEM ALGUM KUZA. LUTA PA UM DOM UM TALENTU, SI FOR PRESIZU SAKRIFIKA PA ALIMENTA BU DOM PAMO KELA KE BU RIKEZA.

Pamodi Dodu na

Dja dura ki n tinha na menti mostra, pa tudu alguem ki kre odja, kuzaz ki n sabi fazi I kuzaz ki n gosta. Primeru n pensa na um site. Klaru “Boa ideia”. Fazi um site é ka kuza fasil, pa alguem sima mi intom ki ta pensa na mil kuzaz au mesmu tempu, site nunka maz ka ta fikaba pronto, pamo n kria poi munti kuza. Saber mais...