MO KI N PODI SER FELIZ
SI AMI DJAM KONXI MUNDU?
N KONXI TUDU FERIDAS DI MUNDU
MO KI N PODI SER FELIZ
SI N KA KONXI IGNORANSIA?
IGNORANSIA É FELISIDADI
FELISIDADI SKAPAM KANTU ODJU ABRIM PA MUNDU
SORTI DI KENHA KI KA TEM NADA PERDI
PAMO NADA EZ KA KONXI.
MUNDU É SI KAZA, SI ALDEIA
SI TRABADJU, SI SUSTENTU.
MO KI BU PODI XINTI FALTA DI MUNDU
SI BU KA KONXI MUNDU?
NADA BU KA KONXI. NADA BU KA PERDI
IGNORANSIA É FELISIDADI!
SI BU KA KONXI GUERRA,
BU VIDA É DI PAZ.
SI BU KA KONXI VIOLENSIA,
BU SPRITU É SOSSEGADU.
SI BU KA KONXI SOFRIMENTU,
BU VIDA É DI SABURA.
MO KI NPODI SER FELIZ SI N SABI
MA TEM MENINU TA PASSA FOMI
NA ETIOPIA, NA SUDAO, NA SOMALIA, NA CABO VERDI
MO KI NTA XINTI SABI SI TEM ALGUEM TA MORRI
NA IRAQUE, NA PALESTINA, NA SUDÃO,
NA SAFENDI, NA TXADINHA, NA TRA TXAPEU.
MO KI N TA DURMI DISKANSADU SI DINHERU KA TEM
PETROLIO LA RIBA, TRABADJU KA TEM,
DESEMPREGADOS KU DESKAPOTAVEL,
KRIMI TA KOMPENSA? DROGA É REKOMPENSA?
MO KI N PODI SER FELIZ KU TUDU KUZA KI N SABI?
NTA KRIA SER IGNORANTI PAN VIVI FELIZ
