segunda-feira, 19 de janeiro de 2009

BESPA MUDANSA - BESPA LEMBRANSA


Na kel tempu na dia 20 di Janeru di 1973 es mata Amilcar Cabral (ma noz tudu sabi ma kabral ka mori), kel dia marka povu di kabu verdi, di Guiné, di Afrika i di Mundu. Cabral era omi di mundu ka so di Afrika. Um mundu midjor, Paz pa tudu omi, ku dignidadi i felisidadi. Kela era sonhu di kel Omi. Dipoz di 36 anu nu ta lembra di Cabral ku algum speransa na petu ma si dizeju podi kontisi, infelizmenti, na dia di aniversariu di si asasinatu. Mudansa dja txiga kaza branka. Barack Obama ta ser 44º prizidenti i primeru negru kumandanti di kel pais ke "izemplu" di dimokrasia i liberdadi, um pais undi Negru tevi ki luta ku tudu forsa pa txiga undi branku txiga. Na tera undi unikus nativus kuazi dja ka tem, brankus ku negrus tudu é "stranjerus". Cabral ka mori - Obama dja nasi. Manham e dia di lembransa pa pripara pa mudansa.

SIM NU PODI.

1 comentário:

Anónimo disse...

Nha terra nha storia nha orgulho
Primo bom blog
Bless
Jah

Pamodi Dodu na

Dja dura ki n tinha na menti mostra, pa tudu alguem ki kre odja, kuzaz ki n sabi fazi I kuzaz ki n gosta. Primeru n pensa na um site. Klaru “Boa ideia”. Fazi um site é ka kuza fasil, pa alguem sima mi intom ki ta pensa na mil kuzaz au mesmu tempu, site nunka maz ka ta fikaba pronto, pamo n kria poi munti kuza. Saber mais...